文雪兒在劇集《黃金有罪》中跟姚子羚和陳瀅三母女相依為命，感情要好，特別是她們發現由顧冠忠飾演的生父已經另覓新歡再結婚，令她們背上一身賭債，三母女攬埋一齊痛哭的畫面，令人心痛。
(圖片：《晴報》羅灝駿攝)
(圖片：文雪兒Facebook）
(圖片：文雪兒Facebook）
(圖片：文雪兒Facebook）
文雪兒快將年屆60歲，不過仍然保養得宜，跟子羚和陳瀅像三姊妹一樣，她說：「我呢個年紀當然係演媽媽，做演員唔應該有太多包袱，當年黃淑儀姐姐30年前在邵氏一齊拍部戲，佢演老黃蓉，我演佢個女郭襄，其實淑儀姐唔係大我好多，佢都係風華正茂，佢都接受到呢個角色，呢啲先係真正演員，非常專業。」
現實生活中，文雪兒同樣是單親媽湊大兩個女兒，經歷過幾次婚姻失敗，幸好最終尋到真愛，如今一家四口幸福非常。文雪兒為母則強，投資美甲店的生意，辦得有聲有色，現時香港各區都有連鎖店。文雪兒認為自己不是高分數的媽媽，沒有多催谷小朋友發展，不過幸好的是兩個女兒成長得很快樂，她說：「兩個女幾鍾意我呢個媽咪，冇虎媽喺身邊，一切造化都係靠佢哋自己。其實我都收貨，大女Christy喺英國讀土木工程系碩士畢業，仲拎到一級榮譽，依家想考牌照，至於細女Jennifier讀書冇咁叻，但人際關係做得好，處事能力都唔錯，佢依家喺我公司幫手，希望將來將我個生意交畀佢，所以我都覺得自己好幸運同感恩。」
相關新聞：《解決師》文雪兒同包租婆元秋有咩關係？ 演藝家族人才多 表姪女奪奧斯卡
(圖片：《晴報》羅灝駿攝)
(圖片：《晴報》羅灝駿攝)
文雪兒笑言劇中兩個女兒個性某程度跟自己的女兒相似，大女成熟思考性，而細女古靈精怪，問到會否像陳瀅一樣貪錢？文雪兒說：「細女剛出社會，未有理財觀念，佢會問點解咁少人工，我話佢知佢已經比其他人多，佢根本唔知依家市場係點，所以佢開始出黎搵錢係好事，畀佢知道返咁多個鐘頭，先搵到一個唔算好高嘅人工。」文雪兒狠下心腸，沒有將管理層的工作交給Jennifer，反而要求她由低學起，她說：「我要佢乜都學，修甲都要學，修手、修腳...我唔使佢幫客做，但要學，我將來交生意畀佢，佢真係要咩都知，要設身處地幫人諗，技師點解需要呢一款櫈，呢啲一定要明。你想服眾，唔係因為你係老闆個女，而係人哋求你咩，你畀到人，人哋先會服你。」
相關新聞：《愛回家》文雪兒孖搭檔三演夫妻默契十足 驚嘆顧冠忠「逆生長」好識保養
(圖片：文雪兒Facebook）
(圖片：文雪兒Facebook）
(圖片：文雪兒Facebook）
(圖片：文雪兒Facebook）
(圖片：《晴報》羅灝駿攝)
(圖片：《晴報》羅灝駿攝)
(圖片：《晴報》羅灝駿攝)
文雪兒直認幾次婚姻失敗，曾經成為她人生的低潮，她說：「感情係人生呢本書嘅其中一部分，但我個人好阿Q，冇擔心過會孤獨終老或者要孤家寡人，亦唔係好希冀有段浪漫感情，可能就係信念，令我因緣際遇下遇到依家嘅先生。我哋係正常社交相識，慢慢開始覺得可以發展，我就第一時間將自己的事全盤托出，畢竟我年紀唔細，唔想拍拖之後好似欺騙感情咁，所以開始交往前，我已經同佢講要承擔好多嘢，買一送二呀！當時佢好好，覺得愛我的話就愛埋我嘅一切。」
文雪兒的感情波折，她表示曾經有擔心會影響兩個女的愛情觀，她說：「畢竟係唔完整嘅屋企，我惟有盡自己努力，花多啲時間陪佢哋。人哋工作完去飲茶食飯，我就返屋企陪女，希望補償佢哋失去一半家長嘅感受。幸好，兩個女慢慢長大，我感覺佢哋比我當年更加識得思考同埋成熟，可能對佢哋嚟講我成為咗一個示範，沒會再重複我以前嘅錯誤，依家兩個女都有帶男朋友返嚟畀我睇，我畀好高分。」
撰文：楊安莉
攝影：羅灝駿